‘‘உலகத்திலே எத்தனையோ நடிகர்கள், ஹீரோக்கள் இருக்கப்ப நான் ஏன் இந்தப் படத்திலே நாயகன்..? இந்தக் கேள்வி எனக்குள்ளேயும் இருந்துச்சு...’’ தனக்குத்தானே கேள்விகள் கேட்டுக்கொண்டு வெள்ளந்தியாக ஆரம்பித்தார் காமெடி நடிகர் ‘பரோட்டா’ சூரி என்கிற, இப்போது கதை நாயகனாக மாறிய சூரி.

‘விடுதலை பாகம் 1’, ஆர்.எஸ்.இன்ஃபோடெயின்மென்ட் எல்ரட் குமார் தயாரிப்பில் வெற்றிமாறன் இயக்கும் படம். இரண்டு பாகங்களாக உருவாகும் இப்படத்தில் சூரி கதை நாயகனாகவும், விஜய் சேதுபதி கதா நாயகன் வாத்தியாராகவும் நடித்துள்ளனர். மேலும் பவானி ஸ்ரீ, பிரகாஷ்ராஜ், கெளதம் வாசுதேவ் மேனன், ராஜீவ் மேனன், சேத்தன்... உட்பட பல முக்கிய நட்சத்திரங்கள் நடித்துள்ளனர்.