மதிய சீரியல்களின் மகராசி

இரண்டு கொரோனா அலைகள். அதனால் நிகழ்ந்த ஆர்ட்டிஸ்ட் மாற்றங்கள், பிறகு கதாநாயகியே மாறியது எனப் பல்வேறு தடைகளைத் தாண்டி சுமார் மூன்றரை ஆண்டு
களாக சிறப்பாகப் பயணித்துக் கொண்டிருக்கிறது ‘மகராசி’ சீரியல்.நான்-ப்ரைம் டைம் சீரியல் என்றாலும்கூட மக்களின் மகத்தான ஆதரவைத் தொடர்ந்து தக்கவைத்துக் கொண்டிருக்கும் தொடர் இது. அதுமட்டுமல்ல. இரண்டு இயக்குநர்கள் இயக்கிவரும் சீரியலும்கூட.

ஒரு டீம் வொர்க்காக 950 எபிசோடுகளைத் தொட்டிருக்கும் ‘மகராசி’ குடும்பத்திற்குள் ஒரு எட்டு வைத்தோம். முதலில் தென்பட்டார், கோமதி கேரக்டரில் நடிக்கும் ராகவி. ‘‘‘மகராசி’யில் என்னுடையது ரீபிளேஸ்மெண்ட் கேரக்டர். எனக்கு முன்னாடி அஸ்வினினு ஒருத்தங்க பண்ணிட்டு இருந்தாங்க. கொரோனா நேரத்துல அவங்களால வரமுடியல. அதனால, என்னை அணுகினாங்க.

இதுல நெகட்டிவ் ரோல். முதல்ல கொஞ்சம் தயக்கம் இருந்தது. அப்புறம், இந்தக் கேரக்டர் பிடிச்சுப்போச்சு. என் ஜர்னியும் சிறப்பாக போயிட்டு இருக்கு. எல்லோருமே ஒரு குடும்பமாக டிராவலாகிட்டு இருக்கோம். நான் நெகட்டிவ் ரோல் பண்றதால மக்கள் என்னை கோபமாகவும், வெறுப்பாகவும்தான் பார்க்கிறாங்க. சிலர் திட்டி கமெண்ட்ஸ் எல்லாம் போடுவாங்க. அது இந்தக் கேரக்டருக்குக் கிடைச்ச வெற்றிதான்னு சொல்லணும்.

ஆனா, சிலர் நான் வெளியில் போகும்போது என் கேரக்டரில் நான் அணிகிற கம்மல், துணிகளை எல்லாம் பார்த்து குறிப்பிட்டு சொல்வாங்க. ‘மேடம் நீங்க அந்த ஜிமிக்கி போட்டிருந்தீங்கல்ல... அது சூப்பரா இருந்தது’னு பாராட்டுவாங்க. என் காஸ்டியூம்ஸ்கூட ரீச்சாகியிருக்கு...’’ என உற்சாகமாக சொன்னார் ராகவி. தொடர்ந்து ஹீரோ புவியின் தம்பியாக தமிழ் கேரக்டரில் நடிக்கும் விஜய்யும், மாதவி கேரக்டரில் நடிக்கும் பவித்ராவும் ஒன்றாக வந்துசேர இருவரிடமும் பேசினோம்.

‘‘எனக்கு இந்த புரொஜெக்ட்ல சீனியர் விஜய். இன்னைக்கு அவங்க ஜோடி வரல. அதனால, நான் என் சீனியர்கிட்ட சில கேள்விகள் கேட்குறேன்...’’ என்றவர், ‘‘இந்த புரொஜெக்ட் உள்ள எப்படி வந்தீங்க?’’ என, பவித்ரா தொடங்கினார்.‘‘‘மகராசி’ சீரியல் எனக்கு ரொம்பவே ஸ்பெஷல். ஏன்னா, இதுதான் என் முதல் சீரியல். தயாரிப்பாளர் ஃபேஸ்புக்ல என் புகைப்படத்தைப் பார்த்திட்டு, ‘இந்த மாதிரி ஒரு புரொஜெக்ட். பண்றீங்களா’னு கேட்டார். அதனால, எனக்கு இது மறக்கமுடியாத புரொஜெக்ட்...’’ என விஜய் நெகிழ, ‘‘சரி, ஆரம்பத்துல இருந்து இப்பவரை நடிப்பைப் பத்தி எவ்வளவு கத்துக்கிட்டீங்க?’’ என அடுத்த கேள்வியைக் கேட்டார் பவித்ரா.

‘‘ஆரம்பத்துல கேமராகூட பார்க்கத் தெரியாது. இப்ப நிறைய பேர் நான் நடிக்கிற சீன்களைப் பாராட்டி வாழ்த்துறாங்க. சமீபத்துல எங்க வெளியில் போனாலும் ‘மகராசி’ தமிழ்னு மக்கள் அடையாளம் கண்டு ஆர்வம் காட்டி பேசுறாங்க. ரொம்ப சந்தோஷமா இருக்கு...’’ என்ற விஜய், ‘‘சரி நான் உங்களைக் கேட்கறேன்...’’ என பவித்ராவிடம் கேள்வியைத் திருப்பினார். ‘‘மகராசி குடும்பத்துல நெகட்டிவ் ரோலாக சேர்ந்திருக்கீங்க. எப்படி ஃபீல் பண்றீங்க?’’ என்றார்.

‘‘இது எனக்கு முதல் புரொஜெக்ட் கிடையாது. மற்ற சேனல்கள்ல ஏற்கனவே பண்ணியிருக்கேன். ஆனா, இதில் உள்ளே வரும்போது நான் புதுசுனு யாரும் என்னை ஃபீல் பண்ண வைக்கல. எல்லோரும் ரொம்ப ஜோவியலா, குடும்பம் மாதிரி பழகினாங்க. சீனியர் ஆர்ட்டிஸ்ட்டுல இருந்து எல்லோருமே நல்லா பேசினாங்க. என்னைப் பொறுத்தவரை ஆயிரம் எபிசோடுகளைத் தாண்டி இந்த ஜர்னி தொடரணும்னு விரும்புறேன்...’’ என உற்சாகமாகச் சொன்னார் பவித்ரா.

அடுத்து, கதிரவன் கேரக்டரில் நடிக்கும் ரவிசங்கரிடம் பேசினோம். ‘‘நான் ஹீரோவுக்கு தாய்மாமாவாக நடிக்கிறேன். வீட்டுல என்ன நடந்தாலும் என்கிட்ட கேட்டு பண்றமாதிரி ஒரு முக்கியமான கேரக்டர். எல்லா ஆர்ட்டிஸ்ட்களும் நிறைய ஈடுபாட்டுடன் பண்றாங்க. கதையும் ரொம்ப இன்ட்ரஸ்ட்டானது.