‘‘சினிமாவில் ஒரு லேடி டெக்னீஷியனா தொடர்ந்து இயங்குவது லேசான காரியமில்ல. சினிமாவுக்கு வந்த புதுசுல சில வருடங்கள் வாடகை கட்டவே கஷ்டப்பட்டிருக்கிறேன். பெண்களுக்கு இத்துறை மீது ஆர்வம் இருக்கு.

ஆனால், துணிச்சலா உள்ளே வருவதில்லை. அந்த தயக்கத்துக்கு காரணம், சான்ஸ் கிடைப்பதில்லை. லேடி எடிட்டர் என்றாலே மதிப்பு குறைவுதான். யாரும் நம்பி வாய்ப்பு தருவதில்லை. லேடி எடிட்டர் என்றாலே ஏன் இந்த வேண்டாத வேலை என்ற கண்ணோட்டத்துல பார்க்கிறார்கள். அது நம்முடைய தன்னம்பிக்கையை பதம் பார்க்குமளவுக்கு இருக்கும். அந்த மாதிரி சமயங்களில் தப்பான முடிவு எடுத்துட்டோமானு யோசிச்சதுண்டு.

முதன் முதலில் நான் சைன் பண்ணிய படம் ‘தண்டுபாளையம் 4’ என்ற கன்னடப் படம். அந்தப் படத்துக்குப் பிறகு ‘உடும்பறா’ என்ற ஸ்ரீலங்கா படம் பண்ணினேன்.