இசை எல்லோருக்குமானது. சிலருக்கு பாடப் பிடிக்கும்‌. ஒரு சிலர் இசைக்‌ கருவிகள்‌ வாசிக்க விரும்புவார்கள். இசை என்பது நம்முடைய வாழ்வில் ஏதாவது ஒரு வகையில் பிணையப்பட்டுதான் இருக்கிறது. அதைப் புரிந்துகொண்டுள்ளனர் நண்பர்களான ஆஷிஷ்‌ ஜோஷி மற்றும்‌ விவேக்‌ ரைச்சா. 

இவர்கள், நாம் விரும்பும் இசையினை நம் இல்லத்தில் இருந்து கொண்டே பயிலலாம்; விரும்பினால் நேரில் சென்றும் கற்றுக் கொள்ளலாம் என்கிறார்கள். ‘‘என்னுடைய அம்மா ஓர் இசைக் கலைஞர். அதனாலேயே எனக்கும் இசை மேல் ஆர்வம் இருந்தது. ஆனால், நான் முறையாகக் கற்றுக்கொள்ளவில்லை. என்றாலும், பள்ளி மற்றும் கல்லூரிகளில் நடக்கும் நிகழ்ச்சியில் நான் பாடியிருக்கேன்.

இசை மேல் இருந்த ஆர்வம்தான் என்னை அந்தத் துறையில் கொண்டு சென்றதுனு சொல்ல வேண்டும். நான்‌ 20 வருஷங்களா மீடியா துறையில்‌தான்‌ இருந்தேன்‌. அதில்‌10 வருஷம்‌ இசை மற்றும்‌ டிஜிட்டல்‌ துறையின் தென்‌ ஆசியா தலைவராக செயல்பட்டு வந்தேன். அதனால் எனக்கு பல இசைக் கலைஞர்களின் நட்பு கிடைத்தது. 

அதுதான் இந்த ‘ஆர்டியம் இசைப் பள்ளி’ அமைக்க ஒரு காரணமாகவும் மாறியது...’’ என்று பேசத் துவங்கினார் பள்ளியின் நிர்வாக இயக்குனர் ஆஷிஷ்‌.“இந்தியா மட்டுமில்லை... உலகம்‌ முழுக்க இசைக் கலைஞர்களுக்கான மதிப்பு எப்போதுமே குறைந்ததில்லை. இசைபாரம்பரிய முறையில்தான் இன்று வரை கற்பிக்கப்படுகிறது.

அதனை பலர் நேரடியாக பயிலத்தான் விரும்புகிறார்கள். ஆனால், உலகம் முழுதும் இசை சார்ந்த பயிற்சி முறைகள் டிஜிட்டல் முறையில் இயங்கி வருகிறது. அதனை இந்தியாவில் தரமான முறையில் கொடுக்க விரும்பினோம். 

இசையைப் பொருத்தவரை  தனிப்பட்ட பாடத்திட்டங்கள்‌ உள்ளன. அந்தக் கோட்பாடுகளைத்தான் இன்றும் பின்பற்றி வருகிறாம். அதில் ஒரு குறிப்பிட்ட சதவிகிதத்தினர்தான் இசையினை தங்களின் தொழிலாக மாற்றிக் கொள்ள விரும்புகிறார்கள். பலர், இசை பிடிக்கும்... அதனால் அதைக் கற்றுக் கொள்ள விரும்புவதாகக்

இசை எல்லாருக்கும் பொதுவானது. அதனால் அதனை தொழிலாகப் பார்ப்பவர்களுக்கு மட்டுமில்லாமல் மற்றவர்களுக்கும் கொண்டு செல்ல விரும்பினோம். எனவே இந்த இரு பிரிவினருக்கான பாடத்திட்டங்களை அமைத்தோம். இதன் மூலம்‌ பலர்‌ இசையினைக் கற்றுக்‌கொள்ள முன்வருவார்கள்‌. 

இதற்‌காக இசைத்துறையில்‌ உள்ள ஜாம்பவான்‌களை அணுகினோம்‌. அவர்களைக் கொண்டு தனித்தனி பாடத்திட்டங்களை அமைத்‌தோம். எல்லாவற்றையும்‌விட இந்தியாவில்‌ ஒரு தரமான இசைப் பயிற்சிக்கான பிராண்ட்‌ எங்க பள்ளியாக இருக்க வேண்டும் என்பதே எங்களின் நோக்கம்...” என்ற ஆஷிஷ்‌, பள்ளியின்‌ செயல்பாட்டினைப்‌ பற்றி விவரித்தார்‌.

ஆசிரியர்களைப் பொறுத்தவரை அவர்கள்‌ முறையான இசைப் பயிற்சி பெற்றிருக்க வேண்டும். அப்போதுதான்‌ அவர்‌களால்‌ எங்களின்‌ பாடத்திட்டங்களுக்கு ஏற்ப மாணவர்களுக்கு பயிற்சி அளிக்க முடியும்‌. மேலும் எங்களின்‌ பள்ளியில்‌ சேர விரும்பும்‌ மாணவர்களுக்கு இசை பயில வேண்டும்‌ என்ற ஆர்வம்‌ இருந்தாலே போதும்‌. 

அவ்வாறு விரும்பும் மாணவர்களுக்கு முதலில்‌ எங்களின்‌ பாடத்திட்டங்கள்‌ மற்றும் பயிற்சி முறைகளை ஒரு வீடியோ மூலம்‌ தெளிவுபடுத்துவோம். அதன்பின்‌ அவர்கள்‌ விரும்பும்‌ துறையில்‌ பயிற்சியினைப் பெறலாம்‌.

எங்களின் இசை ஜாம்பவான்கள்‌ அவ்வப்‌போது ஆசிரியர்களின்‌ திறமையினை மெருகேற்றுவதால்‌, அதன் பலனை நாம் மாணவர்களின் பயிற்சியில் காண முடியும். மேலும் ஜாம்பவான்களும்‌ மாணவர்களின்‌ திறனை அவ்வப்போது சோதிக்கவும்‌ செய்வார்கள்‌. 

கர்‌நாடக இசைக்கு அருணா சாய்‌ராம்‌, ஹிந்துஸ்தானிக்கு சுபா முத்‌கல்‌, தெலுங்கு, தமிழ்‌, மலையாளம்‌, கன்னட சினிமா இசைக்கு பாடகி சித்ரா, இந்தி, சினிமா பாடல்கள்‌ மற்றும்‌ கசலுக்கு இசைக்‌ கலைஞர்‌ சோனு நிகாம்‌, குரல்‌ வளத்திற்கு அனந்த்‌ வைத்தியநாதன்‌... போன்ற ஜாம்பவான்களின்‌ பயிற்சியின்‌ அடிப்படையில்‌தான்‌ இந்த இசைப்‌பள்ளி செயல்பட்டு வருகிறது.

தவிர நாங்க இசை நிறுவனம் ஒன்றையும் துவங்கி இருக்கிறோம். அதன் மூலம் சிறந்த குரல்களை அடையாளம் கண்டறிந்து, அவர்களுக்கு இசைத் துறையில் வாய்ப்பு ஏற்படுத்தித் தருகிறோம்.

சிலருக்கு இசை பிடிக்கும், அதனால் பாட கற்றுக் கொள்ள வேண்டும் என்று வருவார்கள். அதனால்‌ பாடத்திட்டத்தினை அவர்களின் விருப்பத்திற்கு ஏற்ப அமைத்திருக்கிறோம். ஆசிரியர்களும் அவர்களின் விருப்பத்திற்கு ஏற்பதான் பயிற்சி அளிப்பார்கள்.

பள்ளியில் என்னுடைய முக்கிய பங்கு ஆசிரியர்களுக்குப் பயிற்சி அளிப்பது, அவர்களை ஊக்குவிப்பது மற்றும்‌ அவர்களை மெருகேற்றுவது. மாணவர்களுக்கு நாங்க நேரடியாக பயிற்சி அளிக்கமாட்டோம் என்றாலும், அவ்வப்போது, அவர்களுடன்‌ பேசி அவர்களின்‌ தேவையை அறிந்து அதற்கேற்ப ஆசிரியர்களுக்கு நான் பயிற்சி கொடுப்பேன்‌.