ஸ்டார் கிட்ஸ் ஸ்போர்ட்ஸ்!

சினிமா நடிகர்களின் வாரிசுகள் சினிமாவில்தான் இருக்க வேண்டுமா?

இப்படி யோசித்தார்களா என்று தெரியவில்லை. பல சினிமா பிரபலங்களின் வாரிசுகள் விளையாட்டுத்துறையில் மிகப்பெரிய அளவில் சாதித்து வருகிறார்கள். அவர்கள் குறித்த ஷார்ட் ஸ்வீட் பயோ இதோ...

கராத்தே பயிலும் அக்‌ஷய் குமார் மகன்

பாலிவுட் நடிகர் அக்‌ஷய் குமாரின் மகன் ஆரவ். நான்கு வயதிலிருந்து பயிற்சி எடுத்துக்கொள்ளும் ஆரவ், இன்று கராத்தே பிளாக் பெல்ட் வீரர். இதுகுறித்து சமூக வலைதளத்தில் அவ்வப்போது தனது மகனின் புகைப்படத்தை பகிர்ந்து ‘மை சன் டே’ என குறிப்பிட்டு அவர் கராத்தே போட்டிகளில் சாதிக்கும் பதிவுகளையும் அது குறித்து தனது பெருமையையும் பகிர்ந்து கொண்டே இருப்பார். சொந்தமாகவே கராத்தே அகாடமி வைத்திருக்கும் அக்‌ஷய் குமார், அவர் மகன் மற்றும் மகளுடன் இணைந்து பல கராத்தே மாணவர்களையும் உருவாக்கி வருகிறார்.

கொரியன் தற்காப்புக் கலை பயிலும் ஷாருக்கான் மகன் மற்றும் மகள்